Halka : Blagues, poèmes, jeux, détente

Yabiladi

Annonces

Général

Actualité du Maroc et du Monde

Voyages & vacances

Culture, Histoire et régions du Maroc

Aide, astuces & bons plans

Formalités administratives & aide juridique

Sports

Halka : Blagues, poèmes, jeux, détente

Yabiladies

Mariage et administration

Organisation mariage # Maroc

Organisation mariage # International

Relations sentimentales

Problèmes de couple

Relations familiales et sociales

En attendant bébé...

Bébés, enfants, et éducation

Mode & beauté

Santé, psychologie & diététique

Ch'hiwates : Cuisine & gastronomie

Islam

Apprendre l'islam : prière, dou3a, hadith...

Islam & pensées religieuses

Ramadan 2024

Interprétation des rêves, roqya, djinn

MediaTIC

Informatique, téléphonie & multimédia

TV, Ciné, musique, people

International

Foro de Marruecos y de Marroquíes

Morocco # English board

منتدى المغرب و المغاربة حول العالم

Dazet semana w rja3 khali, jab m3a mouy f la3chiya.
Jabou m3ahoum goufa. Guelsso f l9oba w 3ayet 3liya khali.
Fra7t fach cheft mouy. Jebt lihoum atay m3a lmsemen w brekt m3ahoum.
Fatna tayra le8a, daba tkharej8a meni.

Jbed khali tmar men lgoufa, w dissir.
Gal liya : daba ghadya tnodi tghessli hachi, tdiri8 f tabsli w tji tberki m3ana.
B9at Fatna gher kat chouf.
Khali : khodi tmar a Dawya. ... khodi Fatna, bessmellah.
Galet li8 : chb3ana. Nadat b lfa9ssa w mchat lbit8a, tfarej f Gwadaloube.
D7ak khali w gal liya : ma tdi8ach fi8a, kouli. Bessa7a.
3tani khali lflouss w gal liya, 8adou lik nti. Chkoun 3raf, ta7tajihoum chi n8ar, khabihoum 3andek bla ma ychoufek chi 7ed.
Galou lina besslama w mchaw.

Dazet liyam, w bdat tban lkricha.

Fatna ma3roda l3ars bent kho8a f douar li 7dana. 7ta ana ma3roda.
Galet liya Fatna : choufi nti, ghadya ndkhol l7amam deghia w nelbess 7wayji. Ghadya t3ayte daba 3la Khadouj.
Khadouj ma kanetch ma3roda. Jat Khadouj w galet le8a Fatna : khoyti, ghadya twejdi takchetek, bach t7adri l3arss bent khoya, ana 3arda 3lik.
Mchat Khadouj toujed rass8a, denia 8anya 3andha.
(Ma kaynch 3adna f douar : li ma3rod f n8aro yg3ed f khaymetho).


Kherjet Fatna men bit8a, labssa takcheta dyal 7rer douda. Fatna d3ewfa.
W deyra dbalej li b7alhoum b7al dbalej li jab liya Jwilili f sda9.
9ach3etni kan chouf fihoum (7it dbalji taro men lmario).

Galet liya : b9ay tchoufi fihoum, 8adouk dbalej li 7at weldi f sda9 dyawli. Selefthoum lih bach 9dena l gharad, w raja3thoum.
Tsdamt.
Fatna : w nzidek, Khadouj ghadya tmchi f blasstek. Jwilili ghady ywaselna b lkarwela w yrja3, siri wejdi li8 maklethou.

Ma 9dart ngoul lJwilili walo.
Ach ghadya ngoul li8, khalti Fatna cheffara ?
W men gal houwa li jbedhoum liha b sarouti li mkhalya m3alegu bach nesta3mlouh bjoujna ?
7awelt man tghadedch bach man jib8ach f rassi.

Salam a'alayki oukhty

Meskina dawya bkate fiyya

Ya Latif!! Ama hadik Fatna wahd lmasmouma, sem fe dem ..

Au plaisir de te lire❤❤

Wa 3alayki salam

3wacher mabroka bkol ma tmeniti in cha2 Allah.

Citation
Lamistérieuze* a écrit:
Salam a'alayki oukhty

Meskina dawya bkate fiyya

Ya Latif!! Ama hadik Fatna wahd lmasmouma, sem fe dem ..

Au plaisir de te lire❤❤

9arabt nwled. Ma 3amerni douwezt f sbetar.
Ma 3arfech cho ghady ytzad 3andi.
Kent tafe9t m3a Jwilili bach nwled f sbetar li f lmdina.
Kan khali li 3ando tonobil, chad l3otla, w ja yweness mouy.
Kena guelna houwa li ghady ydina fach ghady ywsal lwa9t.

N8ar lwilada :
Fatna guelt liya : ma ghadich ydik Jwilili l sbetar.
Ghady tweldi 8na, f lkheyma. Ana kent wledt Jwilili f lbit li chadda dabba. Ma 3ando floss ykhsserhoum 3lik f sbetarat. Meziane tbarkellah … hadchi li khassna.
Seftet Jwilili yjib el9abla deghia, li kayna f lkhayma li morana.

Wledt f biti. Tzadou 3andi twam, bent w weld.
Fach chefthoum, nsit l8am koulou.
Khadouj jet tchoufni. Fatna w Jwilili kaynin m3ana. Souwlet chno seminahoum.
Na9zet Fatna : ghadin nsemiwhoum, 7med w 3aycha, 3la jed Jwilili w jedatou. (li houma walidi8a).
Kent hadik nhar fer7ana. Elhamdou lillah, tfekit 3la kheir w tzadou wlidati b sora kamla w makmoula. 8adik 8iya denia w ma fi8a. Machi mochkil ila khtaret Fatna smiyet.

….

7med w 3aycha kebrou. Wlat 3andhoum 6 snin.
W 3la wedhoum, b9ayt sabra 3la f3ayl Fatna, w 3la skat Jwilili goudamha.
7med khrej ychbe8 lJwilili w 3aycha, kherjet kat chbe8 liya. (Ken tmena, mli tkber, ma ykounouch rjleha b7al rejlin Jwilili … ).
(F had elmojtama3, rajel, kima ken el7al, ma kayt3ayebch, walakin elmra, hajja okhra).

Jwilili ma bghach ykhali 7med w 3aycha y9raw.
Galiya : ma 3andhoum ma ydirou b l9raya. 3la walidina 9raw ? 7na 9ryna ?
W zaydoun, lmadrassa b3ida 3lina.
7med ghadi y3awni 3la choghli w nti, ghadya t3almi l3aycha chghol ta3 dar.
Tlabto w walou, ma bgha ybedel ray2o.

Wa7ed n8ar, kent f lmra7, ghadya nsaben l7wayj li fihoum lwan b tid w saboun.
7med w 3aycha kay la3bo ldama 7daya. Jwilili mcha lso9. Ma dach m3a8 7med 7it sba7 chwiya 3iyan.
Fatna 7atet liya 9oftan dyal jo8ara foug lmayda li 9reba liya. Khalitho houwa lakher, bach nsabno bo7do.
Tlabt men 3aycha tnod tjib liya kess fi8 javil bach nsaben l7wayj lbaydin.
Ma kanetch b3ida 3la hadik lmayda li goudami. 3aklet8a sendala.
Labssa koula ferda men ji8, f rjel labssa sendala dyalha, w lokhra, sendala dyal kho8a, li rjli8 kbar. Kanet baghat tjibou b zerba bach trja3 tl3ab m3a 7med w ma yghe8ach f tor7 li la3bin.
Tkfat msikina w ta7o guteyrat dyal javil f l9oftan lkhdar li 7ata8 Fatna foug lmayda.
Dakhlet Fatna lmra7.

Fatna : a wili 3la ghdaydiiiiiiiiiiiiiiiiii . Achno derti l9oftani li kan dyal mouy Allah yra7ma.
(Bdat tndeb f 7nak8a).
Fatna : yak a 3wicha dwiba ... bgheti tseftini l9bar 9bel lwa9t. Galou8a ness bekri : guleb l borma 3la foum8a, tatla3 lbent lm8a.
Dawya : a khalti Fatna, ra8a ma dert8ach b l3ani. Daba ngharmo lik.
Fatna : bgheti tsateni 7ta nti. Wa 9oftan mouyyyyyyyy ya 3ibad Allah.



Modifié 2 fois. Dernière modification le 29/07/20 19:04 par لبطانة.

Fatna : ma 3andek ma tgharmi liya. Aji nti ba3da, chno kenti 7adya ? Dwi ! … w 8adik lbent li ga3da tl3ab, khass8a tkoun seyra tch9a … w 8adek lweld, ila kan 3ayan, yched lfrach , machi yl3ab ldama … 7sabi m3ak houwa lakher a Dawya.

Khdet l9oftan w mchat l9oba li 3la bara.

(Drari ma kanouch 3andhoum m3a8a bezzaf. Kanet ket goul lJwilili b li ken 3amer lihoum rasshoum bach ma y7emlou8ach. Nsat b li l9alb li kay 7ess).

Rja3 Jwilili men so9.
Kherjet men l9oba.
Khaletou 7ta rbat l3awd w dakhel lkarwela lblasst8a, w 8ya tgoul li8 : martek a Jwilili 3eyratni. W chouf, b l3ani khassret liya 9oftani b javil w bach tkemel8a w tjemel8a, la7tou liya 3la wj8i.

Dkhal Jwilili yjri lmra7. Gal ldrari ydokhlo l bithoum.
Gal liya : 7ote hadek chi li fydek, w dokhli l bitek. Ana jay.
8ez lferaka w dkhal l3andi. Sed lbab b zakroum.
Jwilili : ana ghady nrabik 3la hadchi li derti m3a mouy.

(Galou zman : drabni w bka, sba9ni w chka).

Dawya : Jwilili, khalini gher nfesser lik cho w9a3.
Jwilili : ach ghady nsme3, bagha tkedbi mouy, meziane tbarkellah …
3tani b 8adik l feraka lrass. T9asmet 3la jouj. 3tani b wa7ed rekla b hadik rjel 3ando.
W bda ydrobni b ydi8.

Khrej.
L7agu 3la mou. Sab8a wa9fa 3and lbab lkbir dyal lkhayma. M3a8a Saadia (wa7ed lmra ken 3arfou8a, dayza 3la khaymetna), barka tcheka meni.

Wa7ed chwiya w ana nsme3 mra seyra trghi (Saadia)

a a 8a, Fatna mchiti w lemen ghadya tkhali Jwilili …
a a 8a, Fatna ....

(Fatna jet8a sekta 9albya, Allah yr7amha).

Salam a'alayki oukhty.

3lina wa 3lik wa 3la jami'al moulimines.
Barak Llah ou fik, Allah i 3tek aydane matmenity fe khatrek hbiba.

Je vais de ce pas lire la suite

Bonne soirée

Citation
لبطانة a écrit:
Wa 3alayki salam

3wacher mabroka bkol ma tmeniti in cha2 Allah.

C’était la fin ?

Citation
لبطانة a écrit:
Fatna : ma 3andek ma tgharmi liya. Aji nti ba3da, chno kenti 7adya ? Dwi ! … w 8adik lbent li ga3da tl3ab, khass8a tkoun seyra tch9a … w 8adek lweld, ila kan 3ayan, yched lfrach , machi yl3ab ldama … 7sabi m3ak houwa lakher a Dawya.

Khdet l9oftan w mchat l9oba li 3la bara.

(Drari ma kanouch 3andhoum m3a8a bezzaf. Kanet ket goul lJwilili b li ken 3amer lihoum rasshoum bach ma y7emlou8ach. Nsat b li l9alb li kay 7ess).

Rja3 Jwilili men so9.
Kherjet men l9oba.
Khaletou 7ta rbat l3awd w dakhel lkarwela lblasst8a, w 8ya tgoul li8 : martek a Jwilili 3eyratni. W chouf, b l3ani khassret liya 9oftani b javil w bach tkemel8a w tjemel8a, la7tou liya 3la wj8i.

Dkhal Jwilili yjri lmra7. Gal ldrari ydokhlo l bithoum.
Gal liya : 7ote hadek chi li fydek, w dokhli l bitek. Ana jay.
8ez lferaka w dkhal l3andi. Sed lbab b zakroum.
Jwilili : ana ghady nrabik 3la hadchi li derti m3a mouy.

(Galou zman : drabni w bka, sba9ni w chka).

Dawya : Jwilili, khalini gher nfesser lik cho w9a3.
Jwilili : ach ghady nsme3, bagha tkedbi mouy, meziane tbarkellah …
3tani b 8adik l feraka lrass. T9asmet 3la jouj. 3tani b wa7ed rekla b hadik rjel 3ando.
W bda ydrobni b ydi8.

Khrej.
L7agu 3la mou. Sab8a wa9fa 3and lbab lkbir dyal lkhayma. M3a8a Saadia (wa7ed lmra ken 3arfou8a, dayza 3la khaymetna), barka tcheka meni.

Wa7ed chwiya w ana nsme3 mra seyra trghi (Saadia)

a a 8a, Fatna mchiti w lemen ghadya tkhali Jwilili …
a a 8a, Fatna ....

(Fatna jet8a sekta 9albya, Allah yr7amha).

Salam alaykoum

Sem7ouliya, kanou 3andi diaf.
Ma nsitkoumch.



Daz l3za.

Jwilili, wakha 3aych m3aya f nefs l khayma, kay be3ed meni w ma kay y7achich liya. Ila bgha chi 7ajja, kay goul8a ldrari bach ygoulou8a liya.
B nesba li8, ana sbab f moutet Fatna, ana li f9asst8a 7ta jabet8a f rass8a.
Jwilili kan kay n3ass f bit Fatna, y dkhol b sarout w ysed b sarout.
(Ma khalanich ndkholi8 n8ar galet li8 Khadouj khassek tsade9 7wayj8a. 7addou khala d8ayb dial8a f lmario w chi wra9 kanet khaznahoum ).

Wa7ed lila, batet 3adna Khadouj. Kan Jwilili ghayb 3and khalo f douar li 7dana, w bat 3ando.
7kit l drari 9eset 7didan l7raymi w mama ghoula. Ne3sou w chedina l7it m3a Khadouj.

Khadouj : bniyti, Jwilili ma banch lik tbadel ? ... Machi 8adek Jwilili li kan na3raf w li kber goudami.
Dawya :
Khalti, ma kayn man khabi 3lik, ra8 ma kay 7achich liya. F louwel, guelt b li ma7tej lwa9t bach yt9abel moutet lmar7oma. Men ba3d, guelt m3a rassi : la Dawya, khassek twa9fi f jenbou.
Wa7ed n8ar, 7awelt ndwi m3a8, nsendou, walakin jawbni : matet b lfa9ssa dyalek, khalini 3lik f te9ar. Saber m3ak ghir 3la wed 7med w 3aycha.
3rafti cho, ma khalach liya lforsa bach n3awd li8 el 7a9e9a.

(3awedt l7a9e9a lKhadouj).

(Kanet mouy, Tamou, ma kat ta3rafch meziane Fatna. 9bel men ntzawj, kanet tla9at8a jouj marat f mounasabat 3and wa7ed lmra.
Kanou l3yalat kay 8adro 3la loulad.
Galet lihoum Fatna : weldi rada3tou 7ta dar 4 snin ... ana weldi, mardi, li guelt8a li8 kay ydir8a... mdayr 3liya bezzaf w 7ta ana ... wakha 9areb y9fel rab3in 3am, kan ndkhol n7ok li8 da8ro f l7amam ...)

Khadouj : ghadya n3awed lik a Dawya chi hajja 3la lmar7oma.

Khadouj :

Kanet Fatna 3eycha m3a m8a w wa7ed kho8a w mart kho8a f khayma wa7da.
Kanet 3aycha, oumet Fatna, kat khali l bit dial8a me7loul, ket sed ghir lmario.
Kanet mkhabia d8iyeb f sorra, dayra8a f wast sof dyal mkhada. 7ta 7ed ma 3aref fin khazna8.
Mara ket dkhol Fatna tnadaf lbit , mara mart kho8a.
Fatna kanet ghayra men mart kho8a 7it kan kay jib li8a Allah, m8a ket fadal8a 3le8a.
Wa7ed n8ar, Fatna w m8a kanou ghaybin 3and l3a2ila f douar akhor w chwiya b3id. Waselhoum kho Fatna w b9a m3ahoum. Berkou youmayn.
B9at mart kho Fatna f lkhayma bo7da.
Raj3ou.
Dazou jouj simanat.
3aycha, moot Fatna, bghat tejbed d8ab dyal8a bach ta7dar lwa7ed l3rass.
Jat tjabdo men lmkhada, ma sabtouch.
Mart weld8a kanet ghayba 3and 3a2ilt8a.
Bghat 3aycha ta8ter.
3aycha : da8bi tsra9 a 3ibad Allah !!!
Fatna jat tjri l3and8a.
Yallah Fatna ghadya tgoul le8a : mart weldek 8ya li kat dkhol 8na men gher ana, w 8ya te7 3aycha.
3 yam w 8ya maghta, ma tkelmet, ma klat, ma charbet. B7al li ghaybet. N8ar 4, moul l amana da amantou.
Fatna berket tdor w tgoul l ness, mart khoya 8ya sbab. Kho8a b9a 7ta tala9 lmra meli raj3at men kheymet8a. Gal le8a b li, zaydoune, ma kat wledch w kan baghe loulad.

(Fatna kenet kat sed bit8a , 7it, Allah y8di8a, kanet khayfa to9a3 le8a nefs el7ajja).

(El 7a9e9a :
Wa7ed kho Fatna li kan saken f l mdina, ken ja m3a sa7bo n8ar li w93ate sare9a.
Sa7bo w9af tonobil w tsene8 f tonobil.
Tla9a b mart kho8 kharja tsayek w tnadef f l9oba li 3la bara.
Souwel8a fin ghabyin mo, w Fatna w kho8. Jawbato.
Gal li8a ghady ydkhol lkechina ytayeb atay w ykharjo l sa7bo.
Khalato dkhal.
Siyed ma bich attay. 3aref meziane chno jay ydir.
Mcha der lma yteb f lmo9raj w dkhal lbit mo li ma kanech mesdoud b l9fel.
9aleb lousayd houma louwlin w l9a d8ab, khaba8 f lmika ka7la li jab m3a8.
Sab lmario mesdoud. Khrej men lbit, sayb attay. Kharjou l sa7bo.
Mart kho, mskina, ma dat ma jabet. Dakhel siniya w rja3 lmdina).
7ta 7ed ma chek fi8. W 7ta 7ed ma taye9 lmra li meskina t7lef b li machi 8ya li sar9et d8ab).

Khadouj :
Tzouwjat Fatna w weldet. Ch7al matou li8a f kercha. Jwilili howa li b9a 3aych li8a.
Mat boo8 w howa mazal sghir.
3douzt8a douwzet 3la dekaka.

Khadouj :
Fatna, Allah yr7am8a, ma khalatch lik lforsa bach t3arfi 9esst8a.
W ma stafdatch men8a.
Dart m3ak kima dert li8a 3douzt8a.
Kan 3lia nebe8a, man khali8ach t3amel m3ak khayb.
W kan 3liya na8dar m8a Jwilili w ngoul li8 : mook f blasst8a w martek f blasset8a.
Choufi Dawya, ghadya na8dar m3a Jwilili gheda. Kber goudami. Ken don ghady ysme3 liya.

Chkart Khadouj w souwelt8a 3la mart kho Fatna (Zohra), cho w9a3 li8a men be3d tla9.

Khadouj :
Tzawjat w jab le8a Allah wlidat.
W kho Fatna, li tala98a, tzouwej mara tania w tala9 lmra, guel li8a, nti 3agra. W tzouwej mara talta. Lmra li khda kan 3and8a weld men zwaj louwel dial8a. B9at 3li8 7ta datou ydouwez. Sabo8 houwa li 3aguer. Rabaw bent, hadik lbent li 7dart l3arssa f douar. Kenti 8adik sa3a 7amla.
Kho Fatna li 3aych f lmdina, ba9e houwa houwa, rial li ydakhlo ykhassro f chrab Allah y3fou 3li8. Ma der walou, la mra, la wlad, la khedma mgada.
Kaynin nass men 3a2ilt Zohra li kay goulou b li dnoub dial8a kherjou fihoum w f Fatna.

Lghad li8, dwat m3a8.
Galet li8 :
l7agti w drabti8a, bla ma tsma3 li8a. Ghlati m3a8a, ma khalitich li8a lforssa bach tdafe3 3la rass8a.
Ch7al men mara cheft l mar7oma ma ket 3amel8ach meziane w tleu7 li8a l 8adra. W ma radatch 3li8a Dawya l8adra.
Koun kent ana f blasst8a, kora ma sbartch li8a.
Tsale7 m3a8a. Li fat mat a wlidi.

Men ba3d, tsale7na w tlab meni Jwilili sma7a.
Rja3 hadek Jwilili li ken f 8adouk 6 yam louwla dyal zwaj.

Ould 3am Jwilili dabarli8 3la khedma m3a8 f lmdina, f lbni.
Kan ki 7awel yji ychoufna koul 3chiya. Ila ma 9darch, kay bat 3and ould 3amo.
Kanet Khadouj, mara mara ket ji twenesni.
Kan jab Jwilili kelb akhor bach y7de lkhayma.
W kanet Khadouj 3atya8 nemra dyal tilifoun dial8a, bach i3lem8a ila ma kanech jay w tji tbat m3ana.
Kanet Khadouj 3aycha bo7da w weld8a li f lmdina chari li8a tilifoune.
8adik sa3a , mazal ma dakhlo lina daw f douar.

M3a lwa9t, Jwilili bedel l 7erfa. W la khedam f usine w chra tonibil R12.

Dawya bent Nass derwiicha meskina, w 3gouztha Fatna ya Lateeeeeeeef laf3a mesmouma, Allah yster

ça m'a vraiment bouleversé le déroulement des événements ??, je ne supporte pas la méchanceté gratuite et l'injustice

ba9i ma salit l9raya, machi chwiya bchwiya

Allah yjazeek kol kheir d'avoir pris le temps de nous raconter cette histoire

Salam alaykoum


Jwilili wla kay ji jem3a f lil ; w yrja3 lkhedma n8ar tnin bekri. Ken goul, msikine, ghir m3a l3ya w lkhedma w tregu.
F wast semana, kay 3ayet lina men tiliboutique ltilifoune dyal Khadouj. 3it fi8 bach ychri liya wa7ed, gal liya ma 3andouch lflouss.
Ba3na bagra 3lem zin8a bach ychri 8adik lkherchacha.


(Jwilili t3araf 3la mra f lmdina. Khedama f wa7ed snack li tghada fi8 wa7ed n8ar.
Sakna bo7da, karya dar sghera. Galet li8 b li ma9to3a men chajra. 3arfatou mzawej w b wladhou.
Gal le8a b li ma 7amelnich w ghadi ytala9ni w ydir m3a8a el9aghet. 8ya sghar menou bezzaf, yben gued bwa8a.
Ma gal8ach lweld 3amo li 3aych m3a8.
Galet li8 : nass ghadyn y8adro, khassna chi 7al. 9tar7et 3li8 ytzawjou b lfat7a. Chartat 3li8 : ma ghady t9areb meni w n3ich m3ak f dar wa7da, 7ta tchri dar li nsouknou fi8a.
Dabro 3la chhoud w tzawjou b lfat7a f dar8a).


Wa7ed jem3a, ja mferkess, rach 3li8 re7a, labess lfista w serwal. Guelt b li, 3adi, jay ychoufni w zaydoune, m3a lkhedma f lwsine, ma ghadich ylbess jelaba.
Jwilili : Dawya, khassna dar f lmdina, bach tji nti w drari. Nchriw8a w nra7lo men 8na.
B9a 3liya 7ta 9belt l9arar. Gal liya ghady ytkelef b koulchi.


Dazet liyam.
Mchit m3a8 b niya.
3tet li8 rezki li kan khala liya bouya w d8yeb diali. Khda d8iyeb dial Fatna 7ta houwa. Ba3 Jwilili l2ard li jat f douar akhor, w li kanet dyal bwa8.
Ba3 d8iyeb, khala ghir deblij, w khaba sak li fi8 lflouss 3and weld 3amou li ma sa9ch lkhbar.

(Jwilili 3ta lflouss lmra li galet li8 ghadya tkelef b koulchi. 7tathoum f l7ssab dial8a. Galet li8, n8ar li ghadya tban liya dar zwina, ghadya ngoul8a lik w nchriw8a a zine diali …).

Dazet liyam.

Siyeda bghat ta3raf chno 3ando f douar.
B l7ila, talbet menou yjib8a bach tchouf tabe3a, w fin ghadya tji mara mara, fach ghadyn ydirou l9aghet (men ba3d tla9).
Gal le8a : tsatayti, bghiti Dawya tfda7na f douar ... tchiyer 3lina bjouj b l7jar w tsefetna coma lsbetar.
8ya : zine diali, ma ghadinch ngoulou li8a b li tzouwejti 3li8a. Te9 biya, koulchi ghady ydouz houwa hadek.

Wa7ed la3chya, ja w jab m3a siyeda f tonobil, rakba lor.
Nezlet, 8aza nif8a lsma, labssa serwal w kamija. Chwiya ma tekfat b sabat8a dyal talon.
Da9 Jwilili 3and l bab, 7lit.

Jwilili : Dawya, 8adi bent men 3a2ilti, ma 3amrek ma chefti8a 7it sakna f lmdina. Gheda, men ba3d lghda ghadya tmchi. Seftet8a m8a m3aya. Khassna nt8allaw fi8a.

Ra7ebt b lmra. Ma chekit b walou. Bayna b7al bentou. W ma kan n3rafch l3a2ila koul8a dial Jwilili.

Gal liya b li m3achya w ghadya tdkhol terta7. Dit8a l 9oba dyal diaf, dayrin fi8a sdidrat.
3achit loulad. Brek m3ana Jwilili, kay 8dar m3a loulidat w yd7ak m3ahoum. Siyed fer7an.

Wrani Jwilili chno jab li8a bach taftar, 7it ket dir reyada.
Jwilili : madya8a f 7alt8a, machi b7alek, derti l7nak a Dawya.

(Ewa khodik a Dawya).

N3ass Jwilili f l9oba li 3la bara. Ne3ssou drari f bit. N3asst m3a8a f l9oba sghera.
Guelt li8a : ila 7tajiti chi hajja f lil, nawdeni. Ra8 makaynch daw 3adna 8ad sa3a. Kayn ghir chma3.

Sba7 bekri, nadt. Khalit8a na3ssa.
Jwilili kharej lb8aim w mcha ysgui lma. Lbir li 7dana ghataw mwali8 w daba kan nemchiw nsgiw f bir akhor. Jwilili ma bghach ytlaga b bnadem.
Barka nkharej f lkhobz men lfaran li 7da lkechina w ana nsme3 lghwat f lbit.
Jit nejri l bit, lguit siyeda 9arsset8a 3agureb f rjel8a.
9talt l3agureb.

3ayet 3la 3aycha, kanet fay9a. Guelt li8a : daba ghadya t3ayti 3la Khadouj.
Jat Khadouj tjri. Gelt li8a ; ana ghadya nl7agu 3la Jwilili. B9ay m3a8a 3afak.
Tlabt men 3aycha tajma3 li8a 7wijat8a w tfaye9 kho8a bach ynod yftar.
Khadouj louwet ketana 3la rjel8a, khalet l blassa li fi8a l9arssa m3arya. Galet li8a b li chafet hadchi f mousalsal.

Khadouj, li fi8a fi8a. Tberguig ma ychawer.
Khadouj : chkoun nti.
Siyeda : ana men 3a2ilt Jwilili.
Khadouj : bent men ?
Siyeda : bent 3amethou.
Khadouj : cho smiyet8a ?
Siyeda : Zoubida.
Khadouj : ach men mdina sakna fi8a 3amethou ?
Siyeda : f Nouacer.

Siyeda sa8det w 3arat 3la der3i8a. Khadouj ban li8a deblij li b7alo b7al deblij li kan 3and Fatna.
Galet li8a : zine 8ad deblij 3andek, n9dar nchoufou ?
Cheftou Khadouj bach t2aked. 8adek deblij, 9lil fach kanet lmar7oma t7aydou.

Chwiya w ana ndkhol. Khalina lbota 3and nass li mkhalina nsgiw men lbir dialhoum w jina netjaraw.
3awnt siyeda bach tw9af. Ban liya deblij f yd8a w sket. Machi wa9t lkhsoma.
B9ayt m3a8a 7ta ta3let f tonobil lor. 3teytoum boudiza fi8a lma bared.

Khadouj galet lJwilili f wdnou : yak a lghedar, ma 7chemti ma ra3iti.
Jwilili, f wden8a : di8a f ji8a li darak, 8adik ra8a mrati.
Tla3, sed l bab w zed.


Khadouj : Dawya, jab lik dara 7ta lkhayma. Galet liya, haga ma haga, ana bent 3amthou Zoubida li f nouasser. 3andou ghir l3mam. W kemel8a w jemel8a, 3ate8a deblij dyal Fatna.

Khadouj : Dawya, tkelmi, gouli chi 7ajja.

Khadouj : louwat 3lik dik lef3a lgarteta. Khassek tkouni 9wa men8a w t7awli tjem3i chmal dialek a Dawya. Ana cheft f telfaza 3and weldi wa7ed l 7al9a dyal Moudawala. Khassho l mwafa8a dialek bach ytzawej bi8a.
Dawya : khalti Khadouj, li ki ban liya daba houwa tla9.
Khadouj : awili Dawya , ach 8ad l8adra !
Khadouj : tla9 3ayb 3adna, Tamou ma ghadyach t9bel 3lik f kheymet8a. Fin ghadya t3ichi, w bach. Chkoun ghady ytzawj bik men ba3d. La, la, khassek tmchi lmdina w tgady l2omor m3a8, ma tkhalich 8adik sli3fana tdi8 lek.

Dawya : a Khalti Khadouj, ma b9a 3andi man dir b 8ad zwaj del. Lghalta diali. Ana li fetecht 3la 8ad zwaj w 9belt 3la ch7al men 7ajja : skat dyal Jwilili goudam mou, darb li klit n8ar matet.
Kanet lmar7oma wa3ra, iyeh, walakin Jwilili li khala le8a l forsa bach tdakhel f 7yatna. Lghalta dialou machi dial8a.
Ma ghadyach nloum 8adik lbent. Houwa li ghdarni machi 8ya.
Ana bghit tla9 w ykhali liya loulidat. Chi lakhor, ma 3andi men dir bi8. Rabbi kbir.
Khadouj : ewa khatrek a bniyti. Khassek tkouni 9weya, lmojtame3 dialna ma ghadych yra7mek.

Siyeda brat men rjl8a.
3atya8a lkhroj m3a Jwilili. W Jwilili kay khaless.
Jwilili ghber 3lina. Ma tlach ysraf 3lina.
Wlit deyra8 b7al li ma kaynch, w m3awla 3la rassi. Ma b9ach y3ayet f tilifoune dyal Khadouj.

Wa7ed n8ar souwel8a fin wslat b nessba lchra dyal dar. Galet li8 : kayna wa7ed dar 3ajbetni, jat f mw9i3 zwine w n9e, walakin khass lflouss. Lflouss li m7totin f lbanka, ma kafinch.
(Galou zman : zid l ma2, zid dguigu).
Jwilili : daba li mou8im, nkounou bjouj. Machi mou8im tkoun f mw9i3 zwine. Nchriw wa7da 3la guedna w men ba3d y7en moulana.
Ma 3jab8ach l 7al. Galet li8 : bghetina n3icho f wast chmakrya w chefara ?
(Kanet 3aycha f derb fi8 chafra bezzaf). Gualet li8 b li bagha t7awel meno.
Jwilili : 8ad sa3a, ma 3andi mnin njib lflouss. W lkholssa dyali ma kafyach.
(Ken ba3d marat Jwilili kay ytselef men 3and weld 3amo l flouss bach ychri li8a chi 7wijat w ydir li8a khater8a).

Khalet 7ta dazou jouj semanat : Jwilili, chri liya tonibil.
Jwilili : yak kayna 8adi.
Siyeda : la la, 8adik dialek. Khassni wa7da tkoun diali.
Jwilili : lkbida diali, ra8 ma 3andich 8ad sa3a, sabre chwiya 3liya.
Siyeda : zine diali, 3lach li ma tbi3ch lkheir li 3andek f la3robya w t8ana. 8adik sa3a, ghady n9adro nchriw tonobila w nchriw dar li banet liya.
Jwilili : la , man9darch.
Siyeda : goul ma bghitich tjeri 3la Dawya. Mazal ket bghe8a ?
Jwilili : la , la , tzadit tema, w tma7en bouya 3la 8adik lkhayma. 9bel ma ymoot, wsana 3le8a.

Siyeda ban li8a Jwilili m7ado kay tsa9rem 3la l flouss fach kay khroj m3a8a.


Dazou 3 chhor, w wa7ed n8ar, wsal Jwilili 7da l3imara li sakna fi8a l bent.
Banet li8 kat ta8dar m3a wa7ed, 7da tonobiltou, wa7ed l 4*4.
L7ag l3andhoum.
Gal le8a : chkoun 8ad khayna ?
Siyed : 7tarem rassek. Rak dawi m3a mrati f lmosta9bel .
Siyeda sa9let.
Jwilili : ra8a mrati.
Jwilili : dwi nti , tkelmi , gouli li8 li kayn !

Siyed tla3 f tonobilto w zed, khalahoum ytkhassmo.

Siyeda : ana machi mratek. Ma drabtich 3liya l9aghet.
Jwilili : yak a lghedara ... W floussi, bghit floussi daba.
Siyeda : chrit bihoum dar w dert8a f smiyeti. L9aytini jit nkhaless lkra li kan ba9e liya w nemchi b7alati. Ewa daba, sir l3ab m3a granek.
Jwilili : yak a tema3a lokhra, ya l kedaba.
B9a Jwilili yd3i 3le8a, w w hya tgoul li8 : sir a Jwilili , Allah ylegi8a lik, khrejti liya 3la 8ad l 8miza.

Ja Jwilili l3andi f la3chya.
3awd liya li w9a3. Masdom. Tlab meni sma7a walakin guelt li8, ghadyn ntfar9o.

(Galou zman : mat ta3ref kheyri, 7ta ta3ref gheri).

Lghed li8, Jwilili 7awel tani m3aya : choufi Dawya, ghady ndir li fi ja8di bach nraje3 l flouss li da3o lina.
Dawya : Jwilili , lflouss machi houma lmochkil. Ghdartini. W loulidat, ghebti 3lihoum w ma b9aytich souwelti fihoum.
Jwilili : Dawya, daba ntbedel w n3ajbek ...
Dawya : Jwilili, ma ghadyach nbedel ray2i.
Gal besslama ldrari w mcha lmdina.

Dazou youmayn.
Jwilili kan jay la3robya f la3chiya.
Dar ksida. Galou kan ghady b sor3a.
Khrej men chante. Kan bo7dou. Lkherchacha tbaghjet.
Allah yra7mo.
F l3za, ja 3amo li 3aych f lkharij.
3tani nemra dialo bach ila 7tajito n3ayet li8.
Khali kan chra liya tilifoune w kan chari wa7ed lmouy.

Men ba3d 5 chhor, guelt m3a rassi, khassni nt7awel men 8ad douar, men la3robya, w nemchi lmdina.
Cheft mouy w guelt8a li8a.
Gualet liya : ji 3ichi m3aya a bniyti, twensouni.
Dawya : makra8tch a mouy, walakin, la. Khassni nfakar f lmosta9bal dyal drari li ma bghahoumch Jwilili y9raw, w n3awel 3la rassi.

Taselt b 3am Jwilili li kan mazal ma rja3 lbara.
Fekit m3a lmochkil li kan 3ando m3a Fatna f l2ard.
M3a khali, ba3t li8 l2ard li jat fi8a lkhayma. Khalit l2ard li 3la bara w li fi8a jnane.
Guelt men bi3ch lbarani w zaydoune, 3amo li ja men lkharij, insane ma39ol.
Gal liya b li nawi ydkol f mara w ygabel lkhayma, li bab8a ghady yb9a meftou7 lina.
Ba3na lb8aim w li ma ghadych yle9 liya f lmdina.

Lgua liya khali dar l chra 7de8 f l mdina, 3la gued l7al. N3adiw bi8a 7ta ysawb lina moulana.
9ayedna drari f lmadrasa li ket 9are fi8a bento.

Wrani khali ki fach nste3mel l flouss.
Ket douz bent khali sba7 tdi m3a8a drari w ken jiboum fach key saliw.

15 youm dazou men ba3d n8ar li r7alna fi8.
Drari ja3batoum lmdina.
Ana, kan 7awel man dirch b7al 8adik la3robya li ghanaw 3li8a 3bidat rma
N8ar sebt, khrejt m3a drari. B9ina ghadyn 3la rejlina. 3yaw, wsalna goudam wa7ed lma7al kay bi3ou fi8 l7lawi 3la chkal. Drari galou liya : walou, ghadyn ndokhlo li8 w nakhdo chi 7liwa.
Bghit ndir lihoum lkhater.
Sa3a, fach dkhalna, dakht. L7lawi yche8iw. Lma7al n9e ych3al, zine. Walakin taman dial l7lawi ...
3aynin drari kherjou f 8adouk l7lawi.
Ma kentch 8aza m3aya l flouss ktira.
Gelt lihoum ghadya nchri lykoum wa7da w ghadyn t9asmouha.
Ghadya kharja w 8ya tlab meni siyeda li kanet morana ntsenaha 3la bara.

Tkhla3t f louwel. Guelt m3a rassi : chno bghat meni.
Kherjet haza plateau 3amer b 7lawi dyal louz w bwata dyal carton.
Khchat plateau f tonibil. W galet li8a : 8ad l bwata l wlidatek.
Drari bghaw yfar7o. Chkartha.

3arfetni machi bent lmdina. Galet liya : ken na3ref wa7ed l7adi9a 8na 9reb, ila bghiti, n9adro nmchiw li8a. Kent bayna leha b7al li 7azna.
Banet liya mra drayfa, guelt 3lach la.
Brekna.
B9at 3liya 7ta 3awdt le8a 9essti.

Galet liya : Dawya, ila bghiti n9dar nw9af m3ak, 3la rassi w 3ayniya.
Choufi, gheda l7ed 3andi diaf, hadchi 3lach jit nchri l7alwa f had lma7al.
N8ar tnin, ntla9aw f 8ad lblassa, 8ada houwa l3nwan.
3tatni nemra dyal8a.
Galet liya: ila bghiti, nji l3andek w ndik m3aya.
B9ayt nd3i m3a8a : Allah y3tek lkheir, Allah yna9e treguek men chouk.
Galt li8a : bla ma tsad3i rassek, ghadya nlga kifach nji.
3tatni sa3a dyal mw3id w guelna le8a besslama.



Modifié 1 fois. Dernière modification le 05/08/20 20:19 par *BBA*.

L7ed, ja 3adna khali f la3chiya ychoufna ki dayrin.
3awdt li8 chno w9a3 n8ar sebt.
Khali : Dawya, raki ghir nya. Bnadem wa3er ana khayf 3lik.
(Khali ken kay tfarej bezzaf f masra7 l jarima2).

N8ar tnin, wsalni khali lma7al.
F tonobil wsani 3la cho ndir yla w9a3 mochkil , msikine khayf.
Chafto siyeda, li smiyet8a Zhor, w khalani m3a8a.
Yallah ghadyn ndokhlo lma7al w hya tji8a mokalama.
Zhor : gher dokhli Dawya, ghadya nl7a9 3lik, matkhafich.

Dkhalt lma7al.
Wratni wa7da fin nbrek. Kanet tsbagh dfar dyal chi kliyana.
Ana baraka 3liya ghir l7enna, ket khali loun zwine f dfar.
Wa7eda seyra tchawet rass dyal kliyana, raj3at8a ki chi m3ayza.
Wa7da berket deless ch7al men 7ajja f lwja8 dyal wa7ed la3rossa, radat8a ki mounika.
La la, ma 3adnach 8adchi f l3robya.

Jat 3andi li selet m3a ch8ar dyal siyeda : chno bgha lkhatr a lalla ?
Sket, b9ayt ghir ken chouf fi8a.
Siyeda : 3rafti chno, 7eydi zif w ghadya nchouf chno khassek, chno ghady yji m3a wj8ek.
3arito li8a.
Siyeda :
Tbarkellah, cha3rek twil walakin khassek t9at3i8. Bayn liya wa7ed carré plongeant wla coupe effilée. Khassek balayage caramel. Nnechfo lik, w ndouwez 3li8 lisseur bach ndir li8 effet wavy.
Fi khatri :
Dawya : sem7iliya, ghadya nkhroj, ma khassni walo, chokrane.
Khrejt 3and Zhor

Tsenit 7ta kemlet lmoukalama.
3awdt li8a chno w9a3.
Zhor :

Dawya, hadi ra8a lmdina. Daba tdi 3li8a. Ghadya dokhli m3aya. Ghadya nseyb char3i kima l9a3ida, w nti, ghadya ghir t9at3e char3ek w tnechfi8. Ghadya tchoufi, ghady yten9ass 3lik dak l7zen. W kan don ch7al 8adi ma 9ata3ti8.
Dawya : bessa7, men n8ar li 7esskou Jwilili.
Zhor : Dawya, 8ad l mara ghadya dokhli w diri b7al li awal mara jiti l8na. W meli nraj3o l 3and tonobil, ghadya tgouli liya chno ban lik.

Saybet ch3ar8a.
Galet l coiffeura b li yallah jit men lmdina w ma 3arfach 7chal men 7ajja.
Siyeda fessret liya kifach ghadya t9at3o, w nechfatou. Galet li8a Zhor b li lounou zwine ma kayn lach ytsbagh.
Kan char3i, wakha ma b9aytch dert li8 l7enna, louno zwine. Ken ghesslo ghir b cadum.

Khrejna.
Zhor : ewa Dawya chno ban lik 8ad l mara ?
Dawya : 3yalat khedamat. War9a m3al9in8a f cadre.
Zhor : lwar9a li f cadre, hya cha8ada. 8ad siyedat 9raw bach ykhedmo. Koul khedma fi8a ta3b.
Koul wa7da fihoum 3and8a 9esst8a. 8adik li sta9blatek, khedema 3la m8a. Li saybetlik ch3ar, mtal9a b wliyed.
Dawya : bghit a Khalti Zhor n9ra w nkhdem.
Zhor : ewa daba dwiti. 8ada dars louwel.

Dezna goudam wa7ed l ma7al kay bi3o fi8 l7wayj.
Zhor wrat liya chi lbyssat walakin bent li8a ma 3ynich fihoum.
Khrejna.
Datni lwa7ed lma7al msdoud. 7alato. Dakht. Fi8 libas ta9lidi.
Zhor : Dawya, 3raft had lma7al ghady y3ejbek. F8amt b li bghiti tb9ay Dawya li kat lbess jlaleb bara, ma bghitich lmdina tgheyrek bezzaf.
Daba khassek t3arfi koulchi fi 8ad lmdina, bach 7ta hajja matkhel3ek.
Choufi Dawya ila bgheti, n9dar n3awnek.
Ghadya n8ar temchi l3and lkhayata dialy, w n8ar tji 3andi ldar. 8adchi mo2a9atan.

Wlit n8ar ken t3alam lkhyata, w n8ar 3and Zhor. Kan 3awn lmra li ket nadaf li8a dar : Zineb, w lmra li mkelfa b tabkh : Naima. Tfa8emt m3ahoum.
Zineb mart l3assess / cheyfor.
Zhor kat 3amelhoum meziane.
3and8a bent kat 9ra f lkharij w weld li ba9e m3a8a.
N8ar li ken t3alem lkhyata, kan sali bekri w kan nemchi njib drari.
W n8ar li ken khdem f dar8a, kan sali chwiya m3atla. Drari kaymchiw m3a bent khali ldaro. W meli ken sali, kay ji khali ydini. Kan douzou 3la daro, w 3ad kay 7otna goudam dar.
Ma 3amerni ma ghadya nssa kheyro w kheir bento.

Zhor kat khalessni w meskina, dima kan lgua8a mwejda liya sak l drari, fi8 ktouba w la 7wijat.

Drari ghadyn meziane f l9raya.
Bent khali mam9assrach men ji8ti. Kat ji 3andi chi swi3at w kat 3alemni n9ra w nkteb. Drari kay ra3jo m3aya 8adek chi li kat werih liya.
Fach ken khroj m3ahoum, kay chej3ouni bach n9ra li banet lihoum mektouba b l3arbya.
(Galou8a : l3ilm nor).

M3a lwa9t, t3alemt lkhyata. Wlat ket tdini m3a8a lma7al n8ar li ma ken khdmach f dar8a.
Ch7al men hajja t3alemt8a mena.
W dima kat waseni : Dawya, meli kat ban lik chi 7ajja li ma 3arfa8ach, matkhl3ich, souwli 3li8a, chno smiyet8a, lach ket le9 ...

Wa7ed n8ar, kent 3and Zhor f dar.
Salit choghli. W mchit nsouwel8a ila bghatni ndir chi 7ajja.
Banet liya md8iya m3a l pc w ana nsouwel : khalti Zhor, 8ada chno w lach kay le9 ?
Zhor : berki 7daya Dawya. Ghadya nfesser lik.
Fassret liya chno smiyetho, 3lach ket sta3mlo, 3lach mlas9a l micro w la cam (bach tassel b bent8a li f mirican w la rajel8a li kay safer bezzaf m3a lkhedma dialo).

Kanet dakhla l wa7ed site, li houwa Yabiladi.
Zhor : steni dakhla lblasst l i3lanat bach nch8ar lma7el diali.
Wratni t9reben koulchi f Yabiladi.
Zhor : w 8na ki banou lik ness li dakhlin l forum.
B7al daba, kaynin : La mystérieuse w Dulcinée, 3andhoum m3a l alghaz ; Driwicha, li 7nina w thallat f frayekh; Samarkind, kat da7ekni w 3and8a m3a tasfir l a7lam; Khadouj76, li f 9albha 3la tarf nsal8a; Jabal, ghady ykoun 3aych f chamal, f Tanja l3alya; w Sarazinement Vôtre, li wa3ya w 3and8a bezzaf m3a chi3r.

Zhor : w 8na kayn roukn zawej a Dawya.
Dawya : la la khalti Zhor, ma 3andi man dir b zwaj.
Zhor : ba9a sghera a Dawya. Khassek tfakri f 8ad l mas2ala. Wlidatek ghadin ykebrou w y3icho 7ta houma 7yathoum.
Dawya : bessa7. Wrini mnin khassna nbdaw.
Zhor : ghadyn nchoufou chkoun kayn.
8ada, baghe mra li tkoun fayta mitrou w seb8in ... 8ada baghe mra li 3aycha bara 7it 3aych bara ... 8ada baghe mra li ma 3and8ach loulad ...
8ada, wilili, bla men ngoul lik chno kateb, l mou8im ma nawich lma39ol ...
Choufi 8ada, dayr tswera, w li kateb, bayn liya meziane.

Dawya : la la , 9ra3.
Zhor : hhhhh , yak a la3firita. Jwilili khditi8 9ra3 wla la ?
Chno ban lik a Dawya, ndiro lik profil ?
Dawya : la khalti. Li mkteba liya moulana hya li ghadya tkoun.



Modifié 1 fois. Dernière modification le 06/08/20 10:49 par *BBA*.

Wa7ed n8ar, khaletni Zhor f lma7al bo7di. Chedet8a ch9e9a w dakhlet l dar8a.
Kanet galet liya : ana 3andi fik te9a. La3chya, ghady yji cheyfor y3awnek bach tsedi, yjibek l3andi (bach na3ref ki daz n8arek) w ywaslek ldarek.

Wa7ed lwa9t, dakhlet mra w tbe38a rajel.
Souwlet 3la moulat lma7al. Guelt li8a ma kaynach walakin ana ghadya ntkelef bi8a.
Berkou, khdaw 98iwa, w siyeda, li 8ya 3rossa, jat m3aya bach tguiyess lbissat li banou liya ghadyn ywatiw8a.

(Kanet Zhor wratni koulchi f lebss. Kanet wratni ki fach nkoun ani9a ghir b jelaba w cherbil. Ma b9aytch nkhalet lwan, w wratni kifach ndir zif 3la char3i).

Siyeda jat men mdina okhra.
Jat lma7al m3a kho8a li saken 8na. W khass8a lghad li8, temchi b n8ar, 7it khalet bent8a m3a m8a, w lbent 3iyana chwiya.

L9at li y3jeb8a w 8darna 3la l lkhlass.
Galet liya b li, kho8a li ja m3a8a, msa7eb m3a rajel Zhor.
Tlab men8a tarja3 lghad li8 f sba7, bach tfa8em m3a Zhor, li bla chek, ghadya tsayb m3a8a f taman.
Galet li8a wakha.

Lghad li8, jat khalsset w khdat lbyssat li writ li8a.
Kent ana f dar, m3a 3aycha li sab7et mreda.
Siyeda bghat ter b lfar7a. W galet lZhor : hadik lmra li kanet lbara7, t3amlet m3aya meziane. W khoya 3ajbato. Bghena n3arfo ila ken momkin ytla9a8a w yjareb za8ro. Nawi lma39ol.
Khoya kay 3arfo meziane rajlek.
3awdet li8a Zhor chno kat ta3raf 3liya.

B sebt, ja Yassine, kho 8ad siyeda lma7al.
Jab m3a8 lward w bakiya dyal chklat. Sabna ghadyn nsedou lma7al. 8adek n8ar sedina8 bekri.
3rad 3lina lwa7ed l9a8wa n9eya, kay berkou fi8a l3a2ilat.
Zhor bghat tguless bo7da f tabla li 7dana w tkhalina 3la ra7etna, walakin guelt li8a la.
Kent khayfa. Khayfa ysouwelni Yassine 3la chi 7ajja w men f8amach, 7it ma kabrach b7alo f lmdina.

Lwa9t daz deghia, ma 7assitch bi8.
Yassine 3ando 7ta houwa bent w weld, mhoum miyeta, kanet mreda. Allah yr7am8a.
Gual lina : ana ghady liyoum n8dar m3a lwalida f tilifoune, ila 9belti 3liya a Dawya.

Moo far7et, ma bghat lina ghir l kheir.
Tzouwejna men ba3d ma daret khto l3arss.
Wlidatna mfa8min m3a ba3diyatoum.
B9ayt ken nmchi 3and Zhor lma7al. Bdat ta3ya msikina.
W ma b9aytch khedama f dar8a.
Mara mara, ken douz ldara bach nweness8a. Weld8a mcha 7ta houwa l kharij.
Ken na3rad 3le8a w 3la Naïma, w Zineb w rajel8a w nass li w9fo m3aya.
Bent khali tzawjet w tkeleft b lkhyata dyal lbissat dial8a. Ma khalit8ach tkhalessni. Yassine dabar lkhali 3la khedma 7sen men 8adik li kanet 3andou.
B9a 3liya Yassine 7ta douwezt l birmi. Kay cheje3ni m3a drari bach ndouwez l bac chi n8ar. Kan nakhod doross f dar.
Kay khalini nsogu fach kan nmchiw la3robya.
Wa7ed n8ar, saygua tonobil, dezna 3la kheyma w chi deriyat galo : ya 7lili , mra saygua tonobil. W hya to9af liya.

Mouy ma b9atch bo7ed8a.
Ja khoya men lkharij. Guetran blado 7sen men 3sel bladat nass.
Mzawej b bent khalti Izza li b7al twimiya dyali.

Matet Zhor Allah yr7am8a.
Khalet blasset8a. Kheyra ma ghadyach nsa8.

Dar li kanet 3andi, be3t8a, w Yassine yawni bach nchri ma7al sghir. Wlit ken kri wla nbi3 li kan kheyet : libass ta9lidi.

Wa7ed n8ar, drari kanou kay tfarjo f « Sur le chemin de l’école ». Kanou kay 8adro 3la Zahera.
Tkelemt m3a Yassine w guelt li8, khassna ndiro chi jam3ya w n3awno ness li f douar.
Yassine w9af m3aya w 7ta 3a2ilti li f la3robya.
L2ard li kan fi8a jnan (li kanet ta3t Jwilili), tebnat fi8a madrassa.
Guelt lkhoya w mouy, b li bghit l2ard li jat 3la bara (ma kentch khdit 7a9i f lwert dialna).
Bghit ytebna fi8a moustawsaf.

Wa7ed lila, l9ani Yassine seyra nfaker f 3yalat douar w f chi ta3awnya.
Yassine : a Dawya, di8a 8ad sa3a f rassek, raki 7amla za3ma.

Ghadya tkoun bent, w ghadyn nsemiw8a Zhor in cha2 Allah.
Ma nsitch Zhor li nwret 7yati, 3almetni khedemti, 3arfetni 3la Yabiladi (bla be8a, ma kentch ghadya n3awd likoum 9essti) ... w f lma7al dial8a, tla9et b zmani.

Yassine : Dawya, drari tfaw dwaw dyal salon, cha3lo chme3. Kan tsenawk bach t3awdi lina 9sset jrada mel7a.

(Dawya seyra t3awd l9essa w 8ya tgoul : ... w 8na salat 7kayti ... mchat men wed l wed, w men blad l blad, w ana b9ayt m3a nass ljwad).

Allah yr7emha Zhor w ywesse3 3liha, nass kib7alha welaw 9lal

Chokrane bezaaaaaf 3la had l9essa, 3jabtni bezaf, w tatchof soubhanaLlah kifach donia taddor o li 3mel chi kheir kayl9ah w li3mel chi charr kayl9ah w Allah ma taynssa l3ibad dialo

Allah yfte7 3lik okhti w yjazeek kol khir