أنا ما عندي زهر فين ما حطيت رجلي توعر الناس تتقدم وانا نتوخر عييت نقاوم ونصبر والجرح يوم على يوم يكبر ولعظم ما بغى يتجبر ربي وحدو اللي عالم بالسر علاش أنا ماعندي زهر طول حياتي أموضر والدم ديما خاسر نبات ونظل نفكر ما ننعس ولا نحط شفر هموم الدنيا كلها تحضر نتألم والدموع تسيل أمطر أنا وحدي اللي حاس بالضر ايلا بغيت غير نهضر وبلسان فصيح أنعبر نحس بالضعف قدام البشر تمنيت اللي يفهمني ويعدر ويحبني محبة الصدر ويڭول لي غير زيد كابر دابا يتفتح الباب لبصكر علاش انا ماعندي زهر من جيبي ديما نخسر ماشي عام ماشي شهر نكدد لعظام ونهدي لهبر ندوب وحدي ونتشوى بالجمر وسيوفهم تطعني في الظهر علاش أنا ما عندي زهر ندير الخير ويرجعلي شر هكدا حالي طول لعمر مالقيت غير اللي يغدر يقضي حاجتو ومني ينفر ما يعطيني نيتو ولا يڭر حتى يديع السيل وتتطفر علاش أنا ماعندي زهر واحد عطاتو وأنا أمدمر الزمان صعيب رحاتو تعصر اللي ما عندو زهر ماعندو زهر وخا يكون عودو حفيان ولى أمصمر واللي ما جرب ما عدر علاش أنا ما عندي زهر.